· A directora xeral de Planificación Enerxética e Recursos Naturais, Paula Uría, participou en Santiago de Compostela na apertura da Asemblea Xeral da Cámara Oficial Mineira

Foto: Xunta / Xoan Crespo

A directora xeral de Planificación Enerxética e Recursos Naturais, Paula Uría, asistiu esta mañá en Santiago de Compostela á apertura da Asemblea Xeral da Cámara Oficial Mineira, na que destacou a aposta da Xunta de Galicia por fortalecer a competitividade da minaría a través da innovación e a formación, favorecendo un crecemento empresarial sostible.

A directora xeral lembrou que o seu departamento traballa na Axenda Galega de Minaría Sostible co obxectivo de alcanzar a integración ambiental desta actividade, o aproveitamento sostible dos recursos e a posta en valor do patrimonio mineiro de Galicia.

Uría destacou o papel deste sector no contexto actual de transición ecolóxica e dixital pola necesidade de acceder a materiais vitais para as actividades estratéxicas da economía e defendeu a importancia de investigar e aproveitar de xeito sustentable os recursos naturais da Comunidade.

A directora rematou agradecendo á Cámara Oficial Mineira o labor que está realizando e o compromiso que están demostrando para traballar cara a esa minaría sostible.

Fonte: https://www.xunta.gal/notas-de-prensa/-/nova/67752/xunta-aboga-por-fortalecer-competitividad-mineria-gallega-traves-innovacion-formacion?langId=gl_ES

 

Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, aceptas el uso de estas tecnologías y el procesamiento de tus datos para estos propósitos. Más información
Privacidad